Un home queda semi inconsciente despois de ser atropelado en Lalín

Ecos da Comarca/Lalín

Un home quedou semi inconsciente despois de ser atropelado en Lalín onte pola tarde. Dúas testemuñas chamaron ao 112 Galicia para solicitar medios de intervención.

O accidente produciuse ás 19:30 horas deste domingo na Avenida de Luis González Taboada, na capital de Deza. Un home foi alcanzado por un turismo e as lesións era evidentes: sangraba bastante e estaba semi inconsciente. 

Publicidade

Preme na imaxe para contactar con nós.

Decontado, os xestores do Centro Integrado de Atención ás Emerxencias de Galicia solicitaron a axuda dos profesionais de Urxencias Sanitarias de Galicia-061, así como dos axentes da Garda Civil e dos membros do Servizo Municipal de Protección Civil. 

Así, tras recibir os primeiros coidados no mesmo lugar dos feitos, o ferido foi evacuado ao Complexo Hospitalario Universitario de Santiago.