Un ferido leve tras saírse coa súa furgoneta en Botos

O suceso ocorreu este luns pola tarde no lugar da Estación

Ecos da Comarca/Lalín

O 112 Galicia recibiu un aviso este luns, ás 16:42 horas, dunha saída de vía dunha furgoneta no lugar da Estación, na parroquia lalinense de Botos, á altura do número 31.

Alertouse ao servizos sanitarios, a Policía Local de Lalín, aos axentes da Garda Civil de Tráfico, aos GES de Lalín e aos bombeiros de Silleda.

Tal e como indica o 112 Galicia, Emerxencias Lalín comunicaron que había un único ferido, en principio leve, que foi trasladado por un familiar ao centro médico da localidade.