Un falecido e 12 trasladados nun accidente entre un autobús e dous coches en Ribadumia

Ecos da Comarca/Xeral

Este domingo rexistrouse un accidente en Ribadumia (Pontevedra) que se saldou cunha persoa falecida e 12 trasladadas. Tratouse dun sinistro entre un autobús e dous coches. Os dous ocupantes do coche do falecido tiveron que ser excarcerados.

Foto de arquivo.

Publicidade

Preme na imaxe para obter máis información do evento.

O 112 Galicia tivo constancia do suceso arredor das 15:30 horas, momento no que un particular non implicado informou dunha colisión entre dous turismos e un autobús no quilómetro 3 da VG-4.2, sobre unha ponte. Segundo o alertador había feridos e atrapados.

Con estes datos, Desde o CIAE 112 Galicia avisouse ao Servizo de Urxencias Sanitarias de Galicia-061, aos Bombeiros de Ribadumia e á Garda Civil de Tráfico.

Publicidade

Preme na imaxe se queres contactar connosco.

Os servizos de emerxencia desprazados confirmaron que o copiloto dun dos coches perdera a vida tralo accidente. Tivo que ser excarcerado pola dotación de bombeiros, ao igual que o seu compañeiro, o condutor. Ademais, as urxencias sanitarias, que mobilizaron o helicóptero medicalizado con base en Santiago, indicaron que fora preciso trasladar ata a doce persoas a diferentes hospitais e centros de saúde, as tres do segundo coche ao ser feridos de carácter leve, e varias persoas do autobús por ataques de ansiedade.