top of page

Un condutor foi excarcerado tras un accidente no que se viron implicados dous turismos e un camión de gando baleiro en Lalín

Ecos da Comarca/Lalín

Autor: Emerxencias Lalín


Os Bombeiros do Deza encargáronse de liberar ao único ferido, que viaxaba nun dos coches e que foi trasladado polos servizos sanitarios.

Publicidade

Pasadas as 16:30 horas, o 112 Galicia tivo constancia do ocorrido a través da chamada dun particular. Durante a súa conversa, explicou que acababa de presenciar unha colisión no quilómetro 296 da N-525, ao seu paso pola parroquia lalinense de Bendoiro. Un home permanecía no interior dun dos coches implicados e parecía incapaz de saír polo seu propio pé.


Publicidade

Rapidamente, os xestores do Centro Integrado de Atención ás Emerxencias solicitaron a participación de Urxencias Sanitarias de Galicia-061, que chegou a mobilizar o helicóptero medicalizado con base en Santiago, dos Bombeiros do Deza, do GES de Lalín, da Garda Civil de Tráfico e dos servizos de mantemento da estrada.

Publicidade

Unha vez no lugar, os bombeiros procederon a excarcerar á persoa ferida, que foi evacuada polos servizos sanitarios ao centro hospitalario de referencia.

0 comentarios

Yorumlar


IRS.gif
Copia de ¡TU Anuncio!.gif
Ecos_da_Comarca_neg.png
bottom of page