Un coche envorca en Silleda e sáldase cunha persoa ferida leve
Ecos da Comarca/Silleda
Este luns, preto das dúas da tarde, produciuse un accidente no municipio de Silleda. En concreto, tivo lugar na estrada PO-505 preto do enlace da AP-53 dirección a Estrada.
A Policía Local de Silleda foi a que alertou ao CIAE 112 Galicia e indicoulle que había unha persoa no interior do vehículo. O 112 Galicia, tal e como informa a este medio, avisou a Urxencias Sanitarias de Galicia, aos bombeiros de Deza e á Garda Civil de Tráfico.
Tempo despois, os bombeiros comunicaron ao 112 que a persoa non estaba atrapada, pero si ferida, aparentemente leve, e que saíu pola parte traseira do coche. De seguido, foi atendida polo persoal sanitario no propio lugar do accidente.
Comentarios