Un ciclista foi atropelado en Boqueixón

Ecos da Comarca/Xeral

Foto de arquivo.

Un ciclista resultou ferido tras ser atropelado por un vehículo na parroquia boqueixonesa de Lestedo. Ata o punto desprazouse un helicóptero medicalizado de Urxencias Sanitarias de Galicia-061, tal e como informa o 112 Galicia. O suceso ocorre ás 12:29 horas.

Publicidade

Preme na imaxe se queres saber máis deste evento.

O accidente rexistrouse no quilómetro 329 da N-525, e un particular narrou os feitos aos xestores do 112 Galicia: o ciclista atropelado permanecía ferido pero consciente.

Publicidade

Preme na imaxe para contactar con nós.

Así, desde o Centro Integrado de Atención ás Emerxencias solicitouse a participación dos servizos sanitarios, mobilizados a bordo do helicóptero medicalizado con base en Santiago, da Garda Civil de Tráfico, dos voluntarios de Protección Civil de Boqueixón e dos servizos de mantemento da estrada.