Un camión envorca na parroquia agoladesa de Ventosa

O vehículo que transporta gando ía baleiro e non houbo feridos

O camión envorcado hoxe en Ventosa.

Ecos da Comarca/Agolada

A estrada PO-212, que enlaza os concellos de Agolada e Rodeiro, rexistrou esta tarde un accidente de tráfico no que se viu implicado un camión. Por razóns que se descoñecen o vehículo envorcou nunha curva ao seu paso pola parroquia agoladesa de Ventosa.

Ata o lugar desprazáronse axentes da Garda Civil de Tráfico e Protección Civil de Agolada. Por sorte, non houbo feridos e o camión, que transporta gando porcino, ía baleiro no momento do accidente.