Un accidente múltiple en Guitiriz deixa unha persoa falecida e tres feridas

Ecos da Comarca/Xeral

Nas últimas horas produciuse un accidente mortal en Galicia. O suceso tivo lugar no concello de Guitiriz que se saldou cunha persoa falecia e tres feridas. En concreto, tal e como informa o 112 Galicia, a persoa que viaxaba nun dos vehículos como acompañante do condutor falecido, resultou ferida de consideración e tivo que ser excarcerada polos Bombeiros. As outras dúas persoas resultaron feridas de carácter leve, de feito, rexeitaron o traslado sanitario. 

Un dos coches afectados. Autor: Guardia Civil

 Publicidade

Preme para obter máis información.

O 112 Galicia tivo constancia do suceso ás 21:00 horas, grazas á chamada dun particular que informaba dun accidente grave na A-6, quilómetro 530, en Trasparga, no concello lucense de Guitiriz, con varios coches implicados e posiblemente con persoas atrapadas no interior dos vehículos. 

De inmediato, os xestores do 112 pasaron aviso ao Servizo de Urxencias Sanitarias de Galicia-061,  aos Bombeiros de Vilalba, aos membros do GES Friol-Palas, á Garda Civil de Tráfico e aos efectivos da Agrupación de Voluntarios de Protección Civil da localidade. 

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

Unha vez no punto, os axentes de Tráfico confirmaron que eran tres coches os implicados e que unha das persoas estaba atrapada nun dos turismos. 

Así mesmo o indicaron os Bombeiros, que tiveron que facer uso do material de excarceración para liberar á acompañante do condutor falecido, tras quedar atrapada no interior do vehículo. 

Tras ser liberada, foi evacuada polo persoal sanitario. Igualmente, os sanitarios, atenderon no punto a outras dúas persoas, que resultaron feridas de carácter leve e que rexeitaron o traslado. 

Desde o 112 Galicia tamén se informou ao servizo de mantemento da vía  e ao persoal do Grupo de Intervención Psicóloxica en Catástrofes e Emerxencias, por se fose precisa a súa intervención.