Ecos da Comarca/Arzúa
Onte, sábado, tivo lugar un accidente na localidade de Arzúa. No sinistro víronse implicados un coche e unha moto e saldouse cunha persoa ferida.
O suceso ocorreu na estrada N-547, á altura do quilómetro 64, en concreto na Avenida de Lugo, en pleno casco urbano de Arzúa, tal e como informa o 112 Galicia que foi alertado por un particular ao redor das oito da tarde.
Publicidade
Na chamada indicaban que unha persoa, en concreto o motorista, precisaba asistencia médica. E tempo despois, confirmaron que fora trasladado ao Complexo Hospitalario Univesitario de Santiago de Compostela (CHUS).
O 112 alertou a Urxencias Sanitarias, aos Bombeiros de Arzúa, á Garda Civil de Tráfico, a Protección Civil e ao Servizo de Mantemento da Estrada.
Cabe mencionar que onte non foi o único accidente cun motorista ferido nas comarcas, xa que horas antes produciuse outro sinistro no municipio de Melide. Máis información deste suceso no enlace: https://www.ecosdacomarca.com/post/un-motorista-ferido-leve-nun-accidente-en-melide
Comentarios