Un único positivo no cribado realizado aos asistentes ao campamento de verán de Rodeiro

"A cadea de contaxio deste positivo non garda relación cos campamentos. Sae do seu ámbito familiar a cadea de contaxio", aclara o alcalde

Laura Moure/Rodeiro

Onte, mércores, realizouse un cribado entre os asistentes aos campamentos que organiza o Concello de Rodeiro en horario de mañá e tarde tras detectarse un positivo. Tal e como acaba de informar o alcalde do municipio, Rubén Quintá, como resultado saíu un único positivo das 40 PCRs que se fixeron en total.

O cribado realizado aos participantes no campamento de Rodeiro.

Autor: Rodeiro Alcaldía.

"A cadea de contaxio deste positivo non garda relación cos campamentos. Sae do seu ámbito familiar a cadea de contaxio. Por iso que no que se refire aos asistentes ás actividades de mañá e tarde dicir que está todo controlado e que por sorte, todo se quedou nun susto. O problema sería maior se apareceran novas cadeas de contaxio, cousa que non aconteceu", aclara o mandatario.

Número de casos no municipio

A evolución dos casos de Covid en Rodeiro, tal e como informa Quintá, é:

• Total casos positivos onte martes e hoxe: catro.

• Casos activos en total: 10.