Ulloa Viva pide dende a Finca de Quintas que se denegue a concesión de augas e a AAI a Altri

Ecos da Comarca/Palas de Rei

A Plataforma Ulloa Viva celebrou hoxe un acto no punto exacto onde Altri "pretende desangrar Galicia, esixímoslle á Xunta que desoia a Greenfiber cando lle pide lealdade", recalca o colectivo e engade que "a lealdade dun goberno debe estar co seu pobo: coas galegas e galegos que xa dixemos, alto e claro, que o noso futuro non pasa pola instalación desta macrocelulosa".

Recalca Ulloa Viva que "pedimos que se deneguen a concesión de augas e a Autorización Ambiental Integrada (AAI). Sobran argumentos e datos técnicos para facelo. E dende este lugar queremos enviar tamén unha mensaxe clara aos promotores: Gañará a vida".

 PUBLICIDADE

Se queres obter máis información do evento preme na imaxe.

Diante da finca de Quintas colocaron unha faixa co lema “Gañará a vida” e un corazón elaborado integramente con flores silvestres.

 PUBLICIDADE

Preme para obter máis información.

"Queremos deixar claro, precisamente iso: que gañará a vida, por moitas alegacións que presente Altir e por moitos oídos xordos que faga a Xunta".