UCIN denuncia "o abandono sistemático do Goberno estatal e Xunta coas infraestruturas de Deza"

Ecos da Comarca/Deza

Unión de Cidadáns Independentes denuncia "a falta de investimento en estradas e

servizos nos seis municipios da comarca de Deza" e demanda unha batería de iniciativas

ás administracións para recuperar o tempo perdido.

A N-640 ao seu paso por Muimenta (Lalín) hai uns meses. Autor: Ecos da Comarca.

Denuncia "o estado deficiente das estradas nacionais que atravesan a comarca,

cunha rede viaria provincial que aglutina 89 estradas en Deza e Tabeirós que suman 547 quilómetros en malas condicións debido á falta de investimento en mantemento durante anos, esta situación está a provocar un aumento da sinistralidade e un maior risco de accidentes na provincia. Este territorio está vertebrado polas diferentes vías de alta densidade como a AP-9 e a AP-53, ademais das estradas nacionais, autonómicas e provinciais, así como os miles de pistas municipais".

Publicidade

Preme na imaxe para obter máis información do evento.

A conservación das vías de comunicación de titularidade local, apunta, "é un dos retos dos concellos pois en casos como o de Lalín, por exemplo, a súa rede de pistas abarca uns 1.000 quilómetros. Pero tamén teñen moito peso na estrutura viaria a rede de estradas da Deputación, que no conxunto da provincia suman 373 e, á súa vez, 1.682 quilómetros".

Publicidade

Preme na imaxe para obter máis información do evento.

José Luis Calo coordinador UCIN Galicia sinala que "demandamos infraestruturas que servan aos veciños que se centren na mellora de servizos básicos e a adecuación de espazos públicos. Isto inclúe a optimización do transporte público, a mellora da accesibilidade a servizos esenciais como a atención médica, e a creación de espazos de convivencia e recreación. Ademais, a atención ás necesidades específicas de cada localidade é fundamental para garantir unha distribución equitativa dos recursos e unha mellora integral da calidade de vida de todos os cidadáns".