top of page

Troiteiros Río Furelos imparte unha charla no colexio Mestre Pastor Barral de Melide

Foto del escritor: Laura MoureLaura Moure

Os obxectivos desta actividade son reforzar os valores educativos medioambientais; aprezar os valores arredor do Furelos e coñecer a bacía do Furelos e os seus afluentes


Laura Moure/Melide

A Asociación de Troiteiros Río Furelos de Melide continúa coa súa rolda de coloquios polos

centros públicos de Melide. Os obxectivos son reforzar os valores educativos medioambientais; aprezar os valores arredor do Furelos e coñecer a bacía do Furelos e os seus afluentes.


Desta volta aconteceu esta achega no C.P Mestre Pastor Barral (antigo C.P. Nº 3) o pasado 22 de novembro. Participou o alumando de 3º,4º, 5º e 6º de Primaria que abranguen idades de entre 6 e 12 anos.

"No Salón de Actos no que se realizou esta actividade estaba engalanado cun precioso mural no que se proxectaban fotografías de distintos momentos dos traballos desenvolvidos arredor do Furelos. E no centro da colaxe un GRAZAS enorme con dous corazóns verdes!! Este ano tivo unha especial referencia o desastre acontecido no canal do río Furelos a altura da Tosta o pasado 26 de xuño, sen esquecérmonos das Xornadas de limpeza nos ríos Furelos, Martagona e Catasol e os labores de recollida, reconto e medida das especies mortas no desastre ecolóxico no río Catasol", explica a asociación.


O coloquio foi conducido polo vogal de Medio Ambiente e Actividades, Manuel Pardo Gómez, e polos presidente da asociación, Xavier Pazo Blanco. "Após dunha exposición audiovisual, os alumnos e alumnas realizaron preguntas e deitaron opinións polo desastre e as súas consecuencias. Asemade expresaron o seu interese en participar nas vindeiras xornadas de limpeza do Furelos que, como xa é sabido, vimos realizando desde o ano 2005. Até aí a crónica máis ou menos completa dun acto".


Publicidade

Preme na imaxe se queres contactar connosco.

Porén, desta volta, sinala o colectivo, "atopámonos cunha implicación por parte do profesorado e do alumnado que gostamos de subliñar para que sexa coñecida pola opinión pública. Non foi só o mural ( co traballo e implicación que supón a súa elaboración) se non que unha vez finalizado o coloquio unha representación dos alumnos e alumnas de cada curso recitaron o poema O río do poeta Manuel María. Finalmente fixeron entrega dun diploma no que o CEIP Mestre Pastor Barral concede unha MENCIÓN HONORÍFICA ao presidente da Asociación polo “encomiable labor no respecto, coidado e protección do rÍo Furelos” (mención que se fai extensíbel os socios, colaboradores e voluntarios".


"Desde a Asociación queremos trasladar o noso agradecemento os e as profesores e os alumnos e alumnas polo cariño co que fomos recibidos e convidalos a que non se esquezan de que o Furelos e os seus tributarios son as veas polas que circula o noso pasado e alimentan o noso futuro que nos esixe parar as agresións e devolverlle a saúde que lle tiramos".

0 comentarios

Entradas recientes

Ver todo

ILUMINADOS

Comments


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page