O condutor do vehículo tivo que ser evacuado polo persoal sanitario
Ecos da Comarca/Melide Sobre as 18:30 horas deste mércores, o 112 Galicia era informado dun accidente no concello de Melide. Segundo a información recibida por parte dun alertante, tratouse dunha saída de vía dun coche que circulaba pola Travesía da Martagona, xustamente na saída do pobo cara Toques.
O condutor do vehículo tivo que ser evacuado polo persoal sanitario, que desprazou unha ambulancia ao punto nada máis ser alertado polo 112 Galicia. Ademais, segundo indicaron os axentes da Policía Local, outras dúas persoas que tamén viaxaban no vehículo resultaron feridas, aínda que non parecían revestir gravidade.
Ademais do persoal sanitario e da Policía Local, tamén os axentes de Tráfico, os Bombeiros de Arzúa e os efectivos da Agrupación de Voluntarios de Protección Civil da localidade foron informados do suceso polo 112 Galicia.
Comments