Tres feridos nun accidente de tráfico na parroquia agoladesa de Berredo

IsmaelRS/Agolada

Accidente de Hoxe. Autor: Ecos da Comarca

Os servizos sanitarios liberaron aos ocupantes do vehículo e posteriormente trasladáronos en ambulancia ao centro hospitalario de referencia.

O accidente produciuse no punto quilométrico 595 da PO-840, á altura da parroquia de Berredo.

Unha das persoas implicadas no sinistro comunicouse co 112 Galicia, uns minutos antes das 13:30 horas. Segundo indicaba, había tres persoas feridas, dúas delas atrapadas.

De xeito inmediato, os xestores do CIAE 112 Galicia puxeron a situación en coñecemento de Urxencias Sanitarias de Galicia-061, que mobilizou un helicóptero medicalizado ata o lugar do accidente, aínda que, finalmente, as persoas feridas foron evacuadas en ambulancia.

Preme na imaxe se quere contactar connosco.

Tamén, desde o CIAE 112 Galicia pasouse o aviso aos Bombeiros do Deza, ao GES de Lalín, á Garda Civil de Tráfico, á Policía Local, a Protección Civil e ao servizo de mantemento da estrada.