Repartirá en premios 600 euros e dúas tablets
Laura Moure/Touro
Un ano máis, o concello de Touro convoca o concurso de fotografía Touro en Imaxes, que será a súa XVI edición. "Ten como obxectivo a revalorización do patrimonio natural e cultural destas terras nas mans da mocidade e dos que xa a pasaron, coa súa particular ollada da nosa contorna", indica o Concello. "É unha oportunidade para gozar polos diferentes camiños de Touro, da súa beleza paisaxística e cultural".
Haberá dúas categorías: Adulto e Xuvenil e cada autor poderá presentar un máximo de catro imaxes, pero só será premiada unha obra por autor, e clasificaranse en dúas temáticas: natureza e patrimonio histórico-cultural. O prazo de presentación comezará o 20 de setembro e rematará o 5 de novembro de 2021.
Establécense os seguintes premios:
Categoría Adultos (maiores de 18 anos):
Natureza: 300 euros.
Patrimonio histórico-cultural: 300 euros.
Categoría Xuvenil (de 12 a 18 anos):
Natureza: unha tablet.
Patrimonio histórico-cultural: unha tablet.
Os interesados poden obter toda a información das bases no seguinte enlace:
Comments