Touro celebra o Samaín o día 31 con diversas actividades

Ecos da Comarca/Touro

Touro prepáranse para a xornada máis terrorífica do ano! O día 31 celébrase o Samaín e este Concello súmase, igual que o ano pasado, á conmemoración desta xornada. Promove un programa con diversas actividades.

De 16 a 18 horas haberá decoración de rúas para as familias. O punto de encontro será o local parroquial do campo da festa de Fonte Díaz. Ás 18 horas haberá merenda aterradora! Despois de 18 a 20 horas terán lugar obradoiros e música no salón parroquial.

Publicidade

Preme na imaxe para obter máis información.

E de 20 a 21 horas levarase a cabo a II Procesión da Santa Compaña por rúas da localidade cun roteiro teatralizado. Por último, ás 21 horas haberá chocolatada terrorífica.

Publicidade

Preme na imaxe se queres contactar connosco.

O Concello convida a vir disfrazados e a decorar as casas e os negocios.