Touro acollerá o día 9 as XV Xornadas Micolóxicas e un showcooking de produtos de outono

Hai prazas limitadas e o prazo para anotarse acabará o 29 de outubro

Ecos da Comarca/Touro

O Concello de Touro acollerá o sábado 9 de novembro as XV Xornadas Micolóxicas así como un showcooking con produtos de outono. É necesario inscribirse, xa que hai prazas limitadas, e o prazo xa está aberto ata o 29 de outubro.

Programa das XV Xornadas Micolóxicas:

• 9:45 horas: Encontro ao lado da igrexa de Fonte Díaz.

• 10 a 13:30 horas: Saída ao monte (Roteiro).

• 17 a 18:30 h: Exposición e explicación das especies colleitadas na Casa da Cultura.

• 18:30 horas: Charla Cogomelos tóxicos e tipos de intoxicación na Casa da Cultura.

• Estará impartida por José María Costa Lago, membro da Asociación Micolóxica-Naturalista Pan de Raposo

Hai 40 prazas e o prezo é de cinco euros.

Publicidade

Preme na imaxe se queres contactar connosco.

Por outra banda, o showcooking de produtos de outono será a cargo de Henrique Sparrow. Será de 20 a 21 horas na Casa da Cultura. Hai 25 prazas e o prezo é de tres euros.

Os interesados en participar nestas iniciativas teñen que anotarse no departamento de Cultura do Concello de Touro ou a través do seguinte teléfono 981 504 029. Hai de prazo ata o 29 de outubro.