Toques será escenario este sábado, día 15, dun concerto de Leirabuxo

Será na aula da natureza e o aforo é limitado polo que é necesario anotarse previamente

Laura Moure/Toques

Este sábado 15 de maio ás 20:00 horas terá lugar o concerto de Leirabuxo na aula da natureza de Toques enmarcado no VI Lingua Folk, en homenaxe a Xela Arias e a Ricardo Carvalho Calero. É necesario reservar praza para asistir debido á situación sociosanitaria, xa que o aforo é moi limitado.

Os interesados deben anotarse previamente a través do teléfono do Concello 981 505 826, do correo marina.corral@toques.es ou se o prefiren no Consistorio.

O Concello informa que ao longo do día, retransmitirá diferentes actuacións e reportaxes, así como o concerto en directo a través de streaming, cuxo enlace facilitará en breve.

Seguirase o protocolo de seguridade para loitar contra a Covid-19 e o público terá que estar sentado.

A aula da natureza de Toques onde terá lugar o concerto de Leirabuxo.