Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Todo un éxito a primeira ruta de senderismo guiada por Touro de Patrimonea

Participaron senderistas de distintos puntos de Galicia e España


Laura Moure/Touro

Este pasado domingo Patrimonea levou a cabo a primeira ruta de sendeirismo guiada na localidade de Touro. A ruta denominada Entre pazos, fervenzas e corredoiras xuntou a sendeiristas chegados de diferentes puntos de Galicia e da península (Ferrol, Vigo, Granada...). O roteiro circular duns 16 quilómetros foi deseñado por esta empresa local e combina tramos que non forman parte de ningunha ruta sinalizada con outros pertencentes a roteiros como o dos tres ríos ou o da fervenza de Santa Marta.

Os participantes nesta ruta.

Durante o transcurso da andaina os participantes recibiron información acerca da historia e a cultura local. A xornada rematou cunha visita ao Pazo de Andeade na que os sendeiristas poideron disfrutar dun dos elementos máis recoñecidos do patrimonio tourense.

Esta iniciativa encádrase nunha proposta privada de valorización do concello coruñés, sen apoio nin financiación da administración local, que ofrecerá diferentes roteiros ao longo do ano. Patrimonea invita a seguir os seus pasos a través de Facebook e Instagram e agradece a asistencia dos participantes na súa primeira actividade que se desenvolveu comprindo estrictamente os protocolos de prevención da Covid-19 impostos por sanidade.

158 vistas0 comentarios
IRS.jpg

ESPAZO DISPOÑIBLE PARA ANUNCIARSE