Terceira colisión entre dous vehículos no 'Cruce dos Oitos' rexistrada nos últimos días

Ecos da Comarca/Santiso

Foto de arquivo.

A pasada semana, ECOS DA COMARCA tivemos que dar conta de dous accidentes de tráfico ocorridos no coñecido como 'Cruce dos oitos', situado no municipio de Santiso. Pois onte pola noite, venres, tivo lugar outro. O 112 Galicia foi alertado por un particular ás 23:49 horas. Saldouse cunha persoa ferida.

Publicidade

Preme na imaxe para obter máis información!

Tal e como informa o 112 Galicia, tratouse de novo dunha colisión entre dous turismos. "Como consecuencia un dos coches saíuse da vía. Unha moza presentada unha ferida nunha perna, pero estaba libre e accesible", informa o 112 Galicia.

Con estes datos, informou a Urxencias Sanitarias, á Garda Civil de Tráfico e aos Bombeiros de Arzúa.

Publicidade

Preme na imaxe se queres contactar connosco.

"Vin un coche envorcado e outro metido no medio do millo", informa a ECOS DA COMARCA unha lectora que pasou polo lugar do sinistro.

NOTICIAS RELACIONADAS:

• Accidente ocorrido o pasado 14 de agosto: https://www.ecosdacomarca.com/post/colisi%C3%B3n-de-dous-coches-no-co%C3%B1ecido-como-cruce-dos-oitos-en-santiso

• Accidente ocorrido o pasado 17 de agosto: https://www.ecosdacomarca.com/post/segundo-accidente-no-cruce-dos-oitos-en-santiso-no-que-levamos-de-semana