Os dezás do CD Biosbardo seguen coleccionando éxitos na súa carreira deportiva
Ecos da Comarca/Deza
Dous subcampionatos galegos para o CD Biosbardo e un total de 7 metais no Campionato de Galicia de Subida Vertical. Este domingo, 3 de novembro, desputouse en Vilamartín de Valdeorras a súa Carreira Vertical, albergando á súa vez o Campionato Xunta de Galicia de
Subida Vertical. "No CD Biosbardo estivemos representados por combinado feminino e masculino, a pesares dalgunha baixa de última hora, as nosas e nosos atletas afrontaron o duro trazado de 4 km e 1.015 metros de subida", sinala o club.
TAMARA GARCÍA E MARCOS PASCUAL: SUBCAMPIÓNS GALEGOS ABSOLUTOS
Gran carreira, destacando a desputa encarnizada de Tamara García, veciña de Dozón, con María Martínez, á postre vencedora. Tamara (1h1’03’’) e María (1h00’16’’) protagonizaron a desputa da xornada con múltiples adiantamentos, xogándose o campionato para deleite dos presentes en todo o trazado, decidíndose nos últimos 200 metros donde se distanciaba a deportista do Porriño. Pola súa banda Marcos Pascual (46’37’’) remontaría posicións na última parte do percorrido para proclamarse subcampión galego absoluto.
Publicidade
TÍTULOS INDIVIDUAIS
"No CD Biosbardo tivemos a honra de colocar a 4 deportistas dentro do Top10 e tamén máis medallas individuais: O propio Marcos acadaría o título de campión galego M40, metres que na mesma categoría o seu irmán Fran Pascual acadaría o subcampionato M40 cun tempo de 48’14’’. Federico Losada, acusando o volume competitivo das últimas semanas entraría 4º absoluto no campionato (47’32’’) e coroándose campión galego M45. Por tempos entraría a continuación Borja Varela (49’10’’) facéndose co bronce Senior. Finalmente o cruceño Emilio Montilla proclamaríase tamén campión galego da categoría M50 cun tempo de 51’12’’".
Comments