Títeres Cachirulo recala o vindeiro domingo en Carboeiro co espectáculo 'Don Gaiferos e o Dragón'

A cita será ás 18:00 horas no entorno do mosteiro

Laura Moure/Silleda

A compañía Títeres Cachirulo estará o vindeiro domingo 25 de xullo no mosteiro de Carboeiro, representado o seu novo traballo Don Gaiferos e o Dragón, unha iniciativa que se enmarca no programa A Compostela polas rutas Xacobeas, con espectáculos, obradoiros e Exposicións.

A cita será ás 18:00 horas no entorno do mosteiro, cun espectáculo para todos os públicos polos que irán desfilando distintos personaxes relacionados coa tradición do Camiño. Dende a Concellería de Cultura animan á veciñanza a disfrutar desta proposta para o público familiar nunha xornada que será ademais de entrada libre ao mosteiro, coincidindo co Día de Galicia.