top of page

Sofre un accidente cando se dirixía ao hospital para dar a luz

Ecos da Comarca/Xeral

Sofre un accidente cando se dirixía ao hospital para dar a luz. Un xabaril irrompe no seu traxecto cara ao centro hospitalario, e provoca a saída da vía do vehículo no que viaxaba.

Sucedeu esta madrugada na LUP-6607, ao seu paso por Viveiro, e foi o propio condutor quen alertou a través dunha chamada ao 112 Galicia ás 3:50 horas de hoxe.


Publicidade

Segundo relatou, un xabaril irrompeu na vía, e provocou a falta de control sobre o vehículo, que, finalmente, envorcou, sen que resultasen feridos nin atrapados. Sen embargo, no interior do coche viaxaba unha muller de parto, que precisamente ía camiño do hospital para dar a luz.


Deste xeito, o equipo de Urxencias Sanitarias de Galicia-061 ocupouse en primeira instancia da evacuación da muller co fin de continuar co proceso nas mellores condicións.


Publicidade

Pola contra, e debido á urxencia do traslado médico, o vehículo quedou na vía, pero encargaríanse os axentes da Garda Civil de Tráfico e os equipos de emerxencias da sinalización e conservación das medidas de seguridade na calzada.


Así, ademais dos sanitarios e dos axentes de Tráfico, desde o 112 Galicia, pediuse a colaboración dos Bombeiros de Viveiro e dos membros do Servizo Municipal de Protección Civil. 



0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page