Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Sobrado dos Monxes albergará o 29 de maio a primeira edición do concurso 'A Voz da Comarca'

Está organizado pola exrecanteira de Luar Fátima Lea en colaboración co Concello e esta dirixido a nenos e mozos de Sobrado, Vilasantar, Curtis, Boimorto, Arzúa, Toques e Melide


Laura Moure/Sobrado dos Monxes

O vindeiro 29 de maio o polideportivo de Sobrado dos Monxes acollerá a primeira edición do concurso A Voz da Comarca, unha iniciativa que busca fomentar as expresións artísticas e introducir á xuventude no mundo da música. A cantante e exrecanteira do programa Luar da Televisión de Galicia Fátima Lea é a organizadora deste certame, que conta co apoio do Concello. A cita arrancará ás 16:30 horas.


Este evento está dirixido aos rapaces e mocidade de entre 3 e 16 anos que estean empadroados nos concellos de Sobrado, Vilasantar, Curtis, Boimorto, Arzúa, Toques e Melide.


Os interesados en participar deberán inscribirse a través do correo electrónico concursovoz2021@hotmail.com ou mediante o teléfono 610 691 610 dentro do prazo marcado. E tamén para ir de público débese reservar nese número. Ademais, a este mesmo correo os participantes enviarán dúas cancións en versión instrumental, é dicir, só coa música que queiran interpretar.


As pistas instrumentais enviadas teñen que ter un bo audio, que se escoiten ben. E poderá cantarse en calquera idioma e en calquera estilo musical. Os inscritos pasarán por dúas fases, actuando o mesmo día. Haberá grandes premios, tal e como indican desde a organización.

A vila de Sobrado que en días pasados o Concello instalou esta varanda nas proximidades da Casa Consistorial, concretamente entre a rúa Fonte Palomo e a Praza do Concello.

562 vistas0 comentarios
IRS.jpg

ESPAZO DISPOÑIBLE PARA ANUNCIARSE