Silleda súmase á campaña 'Un árbol por Europa'

O vindeiro martes prantaranse exemplares en centros educativos, con especies autóctonas elixidas polos alumnos e alumnas

Laura Moure/Silleda

O Concello de Silleda vén de sumarse á campaña Un árbol por Europa, promovida pola asociación xuvenil europeísta Equipo Europa. Así, o vindeiro martes celebrarse o acto de plantación de especies autóctonas en dous centros do municipio: o IES Pintor Colmeiro e o CEIP Ramón de Valenzuela.

O alumnado dos dous centros elixiron exemplares de texos, que se plantarán nas inmediacións do centro xunto con senllos exemplares de carballos.

Publicidade

Preme na imaxe para obter máis información.

Con esta iniciativa búscase concienciar á poboación máis nova da importancia do coidado do medio e fomentar o seu compromiso con causas medioambientais, no marco da Axenda 2030.

Publicidade

Preme na imaxe se queres contactar connosco.

Dende o Concello de Silleda agradécese a proposta do Equipo Europa, que vén poñendo en marcha outras iniciativas como Europa en el Aula ou Europa Sostenible, así como a implicación dos centros educativos.