Todas as persoas interesadas pode asesorarse a través da Educadora Social e realizar a preinscrición para participar na formación preparatoria
Ecos da Comarca/Silleda
O Concello de Silleda, a través do departamento municipal de Educación, que dirixe Ángela Troitiño, volve a asesorar nas inscricións para os cursos de Competencias Clave, jpara as que se acaba de abrir a convocatoria de exame nivel 2 e 3. O prazo para inscribirse remata o vindeiro 7 de abril e todas as persoas que o desexen poden achegarse ata o departamento de Educación (no Centro Social de Silleda) onde a través da Educadora Social recibirán a pertinente información.

Ademais das inscricións, dende este departamento municipal tamén se está a preparar –un ano máis- o curso de formación que contará con distintas materias de Nivel 2. Este ciclo formativo, de carácter presencial, está previsto en vindeiras datas se ben xa se poden realizar pre inscrición de cara a preparar as probas.
コメント