Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Silleda, primeiro municipio de Galicia, en sumarse á rede literaria rural de “Mi pueblo lee”

Esta asociación, sen ánimo de lucro, agrupa a localidades de distintas comunidades que participan nesta iniciativa para a organización de festivais literarios e outras actividades


Laura Moure/Silleda

O Concello de Silleda é o primeiro de Galicia en sumarse ao colectivo Mi Pueblo lee, unha asociación sen ánimo de lucro, que organiza festivais literarios a nivel nacional para fomentar a lectura en entornos rurais así como a colaboración e visibilización dos mesmos.

Pobo, cultura e igualdade fúndense nesta iniciativa na que participan recoñecidas firmas da literatura e que terá tamén en conta aos autores e autoras locais.


Coa lectura como gancho, a entrada nesta rede cultural que naceu no ano 2016, permitirá situar a Silleda nun mapa turístico-literario, facendo da literatura un elemento de dinamización do municipio en distintos ámbitos.


Está previsto que a cita en Silleda se celebre na última fin de semana de outubro (29, 30 e 31), sempre que as circunstancias sociosanitarias o permitan. A celebración deste festival implicará á comunidade educativa, escritores locais e público en xeral, con distintas actividades durante a fin de semana.


Hai catro anos a escritora navarra Maribel Medina logo de acudir como convidada a un instituto e ao club de lectura de Puebla de Almoradiel (Toledo) e de coñecer as dificultades para organizar eventos de relevancia en localidades pequenas, puxo en marcha a iniciativa “Almoradiel lee” o xermen dun modelo que se está a estender por distintas comunidades de España. Nomes como Almudena Grandes, Javier Sierra, Rosa Montero, Alberto Vázquez Figueroa, Lorenzo Silva, Juan Gómez-Jurado, Fernando Marías, Cristina Fallarás, Ramón Gener, Nacho Abad, Nieves Abarca… figuran nunha longa lista de autores e autoras colabradoras desta entidade.


“A promoción e dinamización da lectura debe estar presente nas accións que se levan a cabo dende o departamento de Cultura. A idea de organizar un festival destas características en Silleda e de sumarnos a este colectivo con outras entidades locais e asociacións pareceunos moi vantaxosa”, explica a concelleira de Cultura, Mónica González, que avanza que se está a traballar tamén na organización de actividades telemáticas para unha primeira toma de contacto.


Obradoiros de rap e poesía nos centros educativos, encontros con escritoras e escritores, actuacións… mistúranse nunha proposta tamén ca premisa da interxeneracionalidade e que servirá tamén para dar impulso ao turismo cultural, ao estar presente Silleda nas rutas literarias desta asociación a nivel nacional.


Máis servizos na biblioteca pública municipal

Por outra banda, nos vindeiros días tamén se presentarán novos servizos na biblioteca pública municipal Daniel Castelao de Silleda.




36 vistas0 comentarios
IRS.jpg

ESPAZO DISPOÑIBLE PARA ANUNCIARSE