top of page

Silleda organiza unha sesión informativa sobre a depresión dentro do Plan Municipal de Saúde Mental

Foto del escritor: Laura MoureLaura Moure

Terá lugar o vindeiro día 13 xaneiro na Casa do Concello e é necesario inscribirse


Laura Moure/Silleda

O Concello de Silleda segue adiante coa súa programación no marco do Plan Municipal de Saúde Mental e organiza para o vindeiro luns día 13 de xaneiro unha sesión destinada a toda a veciñanza sobre a depresión na Casa do Concello ás 18:00 horas no Salón de Actos, ubicado no segundo andar do edificio.

Esta actividade promove darlle a relevancia que se merece á saúde mental, materia na que o Concello destaca por ser un dos primeiros municipios en elaborar un plan municipal propio que insta a participar á veciñanza para compartir experiencias; respondendo a unha problemática que afecta a todas e todos, sen importar a idade, o xénero ou a situación e ofrecer así o apoio preciso para cada circunstancia.


Dende o Concello de Silleda anímase á cidadanía a que se inscriba ata o propio día 13 de xaneiro para participar en dita sesión no número de teléfono 986 59 20 37.


Publicidade    

Preme na imaxe se queres contactar connosco.
Preme na imaxe se queres contactar connosco.

A sesión será impartida por personal especializado da asociación FEAFES , (Federación de Asociacións de Familiares e Persoas con Enfermidade Mental de Galicia), a quen dende o Concello de Silleda se lle agradece a súa colaboración ca implementación deste programa municipal.


Dende o departamento municipal de Benestar, a concelleira Ángela Troitiño, destaca que “a saúde mental é un piar básico no benestar das persoas, e na man de todos e todas está comprendela e tratala”, engade.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page