Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Silleda leva a pleno a bonificación do IBI para máis de 150 explotacións agrogandeiras do municipio

Na sesión do xoves darase tamén conta da cesión do Castro de San Mamede ao Concello por parte da Xunta


Laura Moure/Silleda

A bonificación do IBI para as explotacións agrogandeiras do municipio de Silleda, que se vén aplicando dende 2017, volverá ao pleno para a aprobación do listado de solicitudes rexistradas neste exercicio. En total foron 151 as peticións para acollerse a esta bonificación do 95% no recibo do IBI.

Así mesmo, na orde do día, figura tamén a aceptación da cesión do Castro de San Mamede, na parroquia de O Castro, por parte da Xunta de Galicia. O xacemento, que foi posto en valor polo colectivo A Copa do Castro hai varios anos, ten unha superficie de 17.800 metros cadrados, que pasarán agora a ser de titularidade municipal. Estas cuestións serán tratadas o vindeiro luns na comisión especial de Contas e informativa de Economía, na que tamén se explicarán outras cuestións da orde do día do pleno Ordinario coma a proposta de Ordenanza para o Regulamento da Administración Electrónica no Concello de Silleda.


Na orde do día da comisión figura ademais a adxudicación definitiva das obras da rúa Progreso á empresa Narom, e o cambio de destino do Plan Concellos 2021, que como xa se adiantou se destinará ao arranxo integral dunha ducia de viais no rural de Silleda, con 605.308 euros.


20 vistas0 comentarios
IRS.jpg

ESPAZO DISPOÑIBLE PARA ANUNCIARSE