Silleda incrementa o orzamento do Programa de Atención Integral a Persoas con Alzheimer e as súas familias para 2024

Laura Moure/Silleda

O programa de Intervención Integral a Persoas con Alzhéimer e familias coidadoras que desenvolve o Concello de Silleda a través da Asociación de Familiares de Enfermos de Alzhéimer e outras demencias da provincia de Pontevedra (Afapo) continuará outro

ano máis no municipio. O alcalde de Silleda, Manuel Cuiña, xunto ca concelleira de Benestar, Ángela Troitiño, mantivo un encontro co presidente de Afapo, José Manuel Constenla, de cara a coordinar as accións asistenciais do programa para o vindeiro ano.

Para o exercicio 2024, o Concello de Silleda aumentará a dotación para este programa, que se situará en 20.000 euros (3.000 euros máis que na anualidade actual), e que implementará as actuacións previstas.

Así, ademais dos obradoiros de terapia ocupacional e estimulación cognitiva que se realizan no programa celébranse todos os martes e xoves de 10:15 a 13:30 –en dúas quendas- nas instalacións da Casa da Xuventude ao longo de todo o ano (agás no mes de agosto), tamén está previsto desenvolver un curso de formación para familias coidadoras.

Publicidade

Preme na imaxe para obter máis información!

Este ciclo formativo para persoas coidadoras non profesionais , a través do programa “Coidados compartidos”, está previsto que se celebre en marzo, con varias sesións nas que se abordarán cuestións como os síntomas cognitivos e non cognitivos, terapias non farmacolóxicas, a comunicación cas persoas con demencia ou o autocoidado da persoa coidadora.

“Estamos moi satisfeitos con este programa integral que iniciamos xa no ano 2014 e que tan bos resultados está a dar, non só para os veciños e veciños que padecen esta doenza senon tamén para as súas familias, con consellos e indicacións que moitas veces se descoñecen”, sinala o alcalde destacando que a posta en marcha desta iniciativa é “unha clara aposta deste goberno polas políticas sociais”, engade.

Publicidade

Preme na imaxe para obter máis información.

Esta previsto que nas vindeiras semanas, unha vez asinado o acordo e rematadas as valoracións por parte do personal especializado de Afapo, comecen  a impartirse os obradoiros de estimulación cognifitiva para as persoas aqueixadas de alzhéimer e outras demencias que continuarán ata final de ano na Casa da Xuventude. Esta é unha das actividades que se vén desenvolvendo con este programa, ao igual que os cursos para familiares e coidadores/as.

As sesións terán lugar todos os martes e xoves, en dúas quendas, nas que se repartirán as 27 persoas que participarán este ano no programa, cun claro obxectivo de prevención da enfermidade.

Dende o Concello de Silleda tratarase de realizar ademais unha campaña informativa sobre este programa, “para tratar de chegar a máis poboación xa que sabemos da incidencia que ten esta enfermidade e que temos, por desgracia, máis usuarios e usuarias potenciais”, engade o alcalde.

Publicidade

Preme na imaxe se quere contactar connosco.

Obxectivos do programa

Dende AFAPO, o seu presidente José Manuel Fontenla  explíca que entre os obxectivos deste programa de intervención integral figuran axudar ás familias a comprender a importancia no coidado dos enfermos e previr situaciónns de desgaste físico e/ou emocional, que poidan derivar en estrés crónico, e tamén ralentizar na medida do posible o deterioro cognitivo, pérdida de memoria, de mobilidade e función motoras que presentas as persoas con demencias.

A mellora da calidade de vida , tanto das familias como dos enfermos é o reto específico desta actuación. “O coidado e benestar dos nosos maiores e das persoas que padecen enfermedades coma esta é unha das preocupacións deste goberno municipal”, sinala a concelleira Ángela Troitiño.