Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Silleda continuará sendo a sede oficial do filial do Monbus Obradoiro de baloncesto

O Concello renovou o acordo co clube e a Fundación Heracles, incluíndo o regreso da Escola de Baloncesto, con inscricións que se abrirán a vindeira semana


Laura Moure/Silleda

Silleda será novamente a sede oficial do equipo filial do Monbus Obradoiro. Este martes asinabase no Concello a renovación do acordo desta iniciativa histórica para Silleda que comezou na tempada de 2017-2018. O director xeral do Monbus Obradoiro, José Luis Mateo, o alcalde, Manuel Cuiña, o presidente da Fundación Heracles, Pepe Casal e a concelleira de Deportes, Mónica González, participaron na renovación do acordo para que o Obradoiro Silleda siga como local no pavillón municipal César G. Fares.

Despois da brillante tempada realizada o pasado ano (quedando en segunda posición da Liga EBA) o conxunto que adestra Denís Pombar aspira a seguir dende Silleda a súa estela de éxitos como filial do conxunto compostelán. O acordo inclúe a volta da Escola de Baloncesto, que o pasado ano se suspendeu por mor da pandemia.


Así, na vindeira semana o Concello de Silleda –que tamén está preparando a reanudación doutras escolas deportivas- abrirá a inscrición para participar na Escola de Baloncesto, aberta a persoas participantes de 5 a 17 anos de idade.

“Estamos desexando que se poida reactivar a escola de baloncesto despois dun ano complicado”, indica o alcalde, Manuel Cuiña, que destaca as vantaxes e a repercusión que ten o acordo co Monbus Obradoiro nos últimos anos para Silleda. Tamén dende o club e a Fundación Heracles, José Luis Mateo e Pepe Casal agradeceron o apoio e a boa disposición do Concello de Silleda para continuar a relación iniciada hai catro anos.


O convenio, polo que o Concello de Silleda destina novamente 15.000 euros ao club e a Fundación, inclúe non só a Escola de Baloncesto e a promoción que supón para o municipio ser a sede do club de EBA senón tamén vantaxes para a veciñanza. Así, ademais contar con entradas para asistir a un partido de liga ACB, os veciños e veciñas de Silleda gozarán dun 10% de descontó nos abonos para asistir aos encontros do primeiro equipo, que tamén realizará un adestramento-exhibición no pavillón silledense.


No último ano, o Concello de Silleda realizou tamén dotacións nas instalacións do César G. Fares, renovando todos os paneis laterais, entre outras melloras.


20 vistas0 comentarios
IRS.jpg

ESPAZO DISPOÑIBLE PARA ANUNCIARSE