Silleda aproba o proxecto de remodelación dos vestiarios das piscinas da Bandeira

Laura Moure/Silleda

A Xunta de Goberno Local do Concello de Silleda vén de aprobar proxecto básico e de execución para a remodelación interior os vestiarios das piscinas municipais da Bandeira, unha actuación coa que se pretende mellorar as condicións de uso, funcionalidade e confort destas instalacións deportivas, un espazo moi empregado durante a tempada de

verán. A intervención, que se financiará con cargo ao III Plan de Infraestruturas Deportivas da Deputación de Pontevedra, abrangue unha superficie total de actuación de 229,80 m² e conta cun orzamento de execución por contrata de 123.151,39 euros.

O proxecto contempla unha reorganización e mellora integral do interior do edificio dos vestiarios, optimizando os distintos espazos de servizo vinculados ao recinto: vestiario feminino, vestiario masculino, enfermaría, almacén, sala de bombas, zona de acceso e pasillos, así como a área de cafetería e zona de paso.

 Publicidade/DOAZÓN PARA ECOS DA COMARCA

Ademais, o proxecto inclúe melloras orientadas á accesibilidade, incorporando criterios específicos en servizos hixiénicos e duchas para garantir un uso máis cómodo e inclusivo. Tamén se dotará ao recinto de auga quente. Tamén se inclue o acabado da fachada e melloras de seguridade na zona da terraza, na parte superior dos vestiarios.

 Publicidade

Preme na imaxe para obter máis información.

Coa aprobación deste proxecto, o Concello avanzará xa nos vindeiros días coa súa tramitación para que a obra saia a concurso nas próximas xornadas, co obxectivo de poder executar a actuación o antes posible e mellorar o servizo de cara á campaña estival.

Publicidade

Preme para contactar con nós e pregunta polas tarifas que son unha bicoca!

Dende o goberno municipal sublíñase que esta intervención dá continuidade á liña de mellora das instalacións deportivas e súmase á actuación executada no ano 2021 nas piscinas municipais de Silleda, onde tamén se acometeu a remodelación e adaptación dos vestiarios, modernizando un espazo clave para o uso deportivo e de lecer da veciñanza silledense durante o verán.