Silleda acolle unha nova acción de dixitalización de Ineco RuralTIC con talleres para veciños e negocios

A cita é dende onte ata o 29 de maio

Laura Moure/Silleda

O municipio de Silleda acolle dende onte ata o 29 de maio unha nova edición do programa de voluntariado corporativo Ineco RuralTIC, unha iniciativa da enxeñería pública Ineco para impulsar a dixitalización en contornas rurais e que, na súa cuarta edición, continúa o seu despregamento en Galicia tras o seu paso por Maceda. Dous profesionais de Ineco compatibilizarán durante dúas semanas a súa actividade laboral en remoto con talleres de apoio á dixitalización local.

José Vicente Úbeda, da xerencia de Explotación e Soporte TI de Ineco, e Marta Vega, da Xerencia Cambio Climático e Transición Enerxética, serán os nómades dixitais que se despracen ao municipio. Entre os contidos previstos inclúense talleres dirixidos á poboación relacionados, entre outros, con comunicación dixital; correo electrónico e mensaxería instantánea; banca e compra en liña; trámites administrativos dixitais; seguridade na internet; posicionamento dixital para pequenos negocios; así como accións para posicionar tecnoloxicamente ás pemes locais.

Horarios en Silleda

• Martes 18 maio: ás 17:00 horas en Dornelas

• Xoves 21de maio: ás 18:00 horas en Graba

• Venres 22: ás 18:00 h en Abades

• Mércores 27: ás 17:30 Laro

• Xoves 28: Breixa ás 18:00 h.

  PUBLICIDADE

Se queres obter máis información do evento preme na imaxe.

Ineco RuralTIC impulsa a transformación dixital en municipios rurais de menos de 10.000 habitantes con actividades formativas dirixidas tanto a cidadanía como a pequenos negocios e pemes do municipio. Máis de 40 municipios rexistrados na cuarta edición con presenza prevista en 10 comunidades autónomas e 26 provincias.

 PUBLICIDADE

Preme para obter máis información.

Máis de 100 municipios participantes e máis de 1.000 talleres impartidos

Preto de 285.000 persoas alcanzadas ao longo de todas as edicións. Os obxectivos do programa: 

• Reducir a fenda dixital  Impulsar oportunidades de desenvolvemento rural  Fomentar a capacitación tecnolóxica 

• Promover un modelo de colaboración entre contorna urbana e rural