Silleda acolle o día 9 unha xornada de información e sensibilización sobre a saúde mental

Trátase dunha xornada informativa para a veciñanza coa colaboración de varias entidades que traballan pola saúde mental

Laura Moure/Silleda

O vindeiro martes 9 de setembro, de 10:00 a 14:00 horas, a Praza do Siñor Afranio será o escenario dunha mesa informativa sobre saúde mental, organizada polo Concello de

Silleda en colaboración con Saúde Mental FEAFES Galicia, a Asociación Itínera e a Asociación Fonte da Virxe.

A iniciativa ten como obxectivo achegar información veraz e recursos á veciñanza, poñendo o foco na importancia do coidado da saúde mental e na eliminación de prexuízos arredor dos trastornos mentais. Durante a xornada, o público poderá acceder a materiais divulgativos e conversar con profesionais especializados e voluntariado das entidades

participantes. Ademais poderá obter información sobre temas como: deficinición de saúde mental; mitos e realidades sobre os trastornos mentais; estratexias de autocoidado e benestar emocional; importancia da detección temperá e rede local de apoio e recursos comunitarios dispoñibles.

Publicidade

Preme na imaxe para obter máis información do evento.

"Con iniciativas como esta, reafirmamos o compromiso do Concello de Silleda coas políticas de prevención, atención e apoio en materia de saúde mental, contribuíndo a mellorar a calidade de vida da cidadanía. Ademais, queremos agradecer a colaboración das entidades participantes, e salientar que con estes recursos buscamos chegar a toda a veciñanza”, destaca Ángela Troitiño, Concelleira de Igualdade e Benestar.

Publicidade

Preme na imaxe se queres contactar connosco.

O Concello de Silleda conta dende outubro de 2024 cun plan municipal sobre Saúde Mental, sendo un dos poucos concellos galegos que dispón desta ferramenta.