Silleda acolle ao promotor de Sumando sonrisas, que percorre España nunha causa solidaria co cancro

Este Concello outorga 41 axudas a estudantes silledenses

Laura Moure/Silleda

O Concello de Silleda acolleu esta fin de semana a José Antonio Nieto Peña, un gaditano que está recorrendo España a pé por unha causa solidaria. A través do proxecto “Sumando sonrisas” busca recaudar fondos para loitar contra o cancro infantil, que

irán destinados á asociación “Por una sonrisa”.

A concelleira de Benestar Social, Ángela Troitiño, recibiuno no albergue Santa Olaia, que colaborou tamén con esta causa. O reto supón andar a pé uns 4.000 km en total, superando os 40km diarios. Parteu de Ubrique, municipio de Cádiz de onde é orixinario J. Antonio Nieto, o 2 de setembro e irá camiñando por etapas ata o 2 de decembro. Agora está de camiño a Andalucía, xa en Castela e León.

Por outra banda, o Concello de Silleda vén de outorgar un total de 41 axudas ao estudo para veciños e veciñas do municipio que cursan estudos universitarios e de ciclos formativos durante o presente curso académico. En total presentáronse 58 solicitudes, das que 17 foron rexeitadas por non cumprir cas bases da convocatoria, na maioría dos

casos por superar a renda per cápita familiar ou por estudar dentro do propio municipio.

Publicidade

Preme na imaxe para obter máis información!

O prazo rematou o 6 de outubro, logo da publicación da convocatoria no Boletín Oficial da Provincia (BOP) de Pontevedra. A contía máxima, en función da renda per cápita, é de 450 euros.

No caso das axudas para libros e material destinadas a familias que precisan dunha protección especial ou con todos os seus membros en situación de desemprego, o número total de solicitudes rexistradas e concedidas foi de 2. Dende a Concellería de Educación, que dirixe Ángela Troitiño, resolveranse estas becas nos vindeiros días, coa aprobación das correspondentes contías segundo as bases.

Publicidade

Preme na imaxe para obter máis información!

En total, o Concello de Silleda destina a estas subvencións directas ao estudo unha contía de 20.000 euros, continuando co apoio á educación dos últimos anos. O listado de persoas beneficiarias, unha vez resolta a convocatoria e tras a aprobación das mesmas en Xunta de Goberno Local a semana pasada, poderá consultarse na web municipal e tamén no taboleiro de anuncios da sede electrónica do Concello de Silleda.