Santiso recibe case 26.000 euros da Xunta para mellorar o antiguo CEIP de Visantoña
- Laura Moure
- 21 jul
- 2 min de lectura
A delegada da Xunta, Belén do Campo, visitou onte as actuacións
Laura Moure/Santiso
A delegada da Xunta, Belén do Campo, visitou onte as melloras que se executaron no novo local cultural no antiguo CEIP de Visantoña dentro da convocatoria da Consellería de Cultura, Lingua e Xuventude dirixida a concellos, e destinada a mellorar o equipamento e as instalacións e locais utilizados para a realización de actividades culturais en concorrencia competitiva. Concretamente, este Concello recibiu unha achega de case 26.000 euros para levar a cabo o seu proxecto.
O Centro Cultural de Visantoña é unha das sedes principais da Concellería de Cultura de Santiso. O centro está equipado para o desenvolvemento de diversas actividades de conciliación dos rapaces, talleres de memoria dos maiores, ademais de ser un punto de
encontro e ensaio para as asociación culturais locais como a Banda Escola de Música de
Visantoña, a Coral Polifónica e varios grupos de música tradicional.
A intervención contemplou a desmontaxe de carpintarías exteriores existentes. E a instalación de ventás de aluminio con rotura de ponte térmico, de follas practicables ou
abatibles, con apertura cara o interior, acabado lacado cor branca, con dobre vidro de baixa emisividade térmica e de seguridade.
PUBLICIDADE
O proxecto permite unha mellora notable da eficiencia enerxética, reducindo de forma drástica o consumo de enerxía primaria non renovable e as emisións contaminantes
asociadas e mellorando a calidade do servizo que se presta á cidadanía,
Axudas 2025
A delegada da Xunta lembrou, na visita, que o Goberno galego impulsou estas axudas para a mellora de equipamentos culturais, na convocatoria de 2025, co apoio na comarca
de Melide, ademais de Santiso tamén recibiu outra achega o concello de Melide para a
instalación dun equipamento escénico no centro sociocultural Mingos e Pita por un importe
de 8.500 euros.
PUBLICIDADE
Na provincia da Coruña recibiron estas achegas 22 concellos por un importe de máis de
201.000 euros e en Galicia se melloraron 44 infraestruturas, cun orzamento de 500.000 euros destinado a actuar en bibliotecas, arquivos e locais culturais municipais para modernizar estes espazos. Estas axudas serven para sufragar gastos de reformas, obras
de ampliación, mellora da accesibilidade e tamén para a adquisición de equipamento como material escénico, iluminación, son ou audiovisual.
Comentarios