top of page

Sabela, finalista de Operación Triunfo 2018, actúa mañá, sábado, no Pub Gatos de Melide

Foto del escritor: Laura MoureLaura Moure

En ECOS DA COMARCA sorteamos dúas entradas dobres


Laura Moure/Melide

A gran xira de Sabela, a artista galega que quedou finalista en Operación Triunfo 2018, toca terras galegas a finais deste ano e comezos do seguinte. Tras o arranque o pasado 28 de setembro na Sala Ruído de Ferrol, Sabela actuará mañá, sábado 9 de novembro, no Pub Gatos de Melide.

O concerto arrancará entre as 23:30 e 00:00 horas. Baixo o nome de “Hi, My Love Part”, Sabela está inmersa nun percorrido por nove salas nas que presentará o seu novo son e a súa nova música, pertencente ao EP que espera publicar a finais deste mesmo ano. As

entradas para o concerto de Melide e o resto da xira pódense conseguir en

sabelamusic.es e enterticket.es.


A artista galega chega ao Pub Gatos despois de levar o seu directo a algunhas das grandes cidades de España. En 2024, a de Ourol tocou en grandes salas de Madrid, Barcelona, Valencia, Sevilla, Oviedo, León, Valladolid, Xaén, Salamanca, Logroño,

Ponferrada, Palencia e Tafalla. Tamén foi a protagonista de festivais como o Festival

do Pasatempo ou SonRías Baixas, así como de Galicia Escena PRO, a maior feira de

artes escénicas de Galicia, cun concerto en Santiago de Compostela co que puxo fin á

primeira parte da súa xira. Sumando as datas anunciadas, o tour de Sabela escala a

25 presentacións en vivo.


Publicidade

Preme na imaxe se queres contactar connosco.

En Melide, Sabela presentará o seu novo tema “Eu Espero Aquí”. Unha proposta ambiciosa de levar o seu xa característico pop electrónico a un son máis internacional,

pero mantendo ben presentes as súas raíces. Este sinxelo é o segundo adianto, tras

“Hi, My Love”, do seu novo EP, que espera ver a luz en medio do tour, a finais deste

ano 2024.


Entradas

Prezo: 12€ +gx anticipada / 16€ taquilla. En ECOS DA COMARCA sorteamos dúas entradas dobres. Podes participar nas nosas redes sociais ata hoxe, venres, ás 14:00 horas. No vídeo explicamos como:



0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page