Rueda valora a “vontade do ministro de Industria de articular solucións” para a apertura de Altri

Laura Moure/Palas de Rei

O presidente da Xunta, Alfonso Rueda, valorou hoxe a “vontade de articular solucións” do ministro de Industria, Comercio e Turismo, Héctor Gómez, para garantir a viabilidade da planta de fibras téxtiles sustentables que a multinacional portuguesa Altri quere instalar en Palas de Rei. “Expuxéronse fórmulas e solucións viables”, recalcou o presidente, que trasladou que estas se concretarán nunha futura reunión a nivel técnico.

Durante a reunión que mantiveron ambos os dirixentes na sede do Ministerio, abordouse principalmente a situación do proxecto de Altri e a necesidade de que conte con financiamento de fondos europeos con axilidade e nun importe suficiente. Esta fábrica crearía 2500 postos de traballo, outros 10.000 para a súa construción e atraería un investimento total de 900 millóns de euros.

Publicidade

Preme na imaxe para obter máis información!

O presidente autonómico e o ministro abordaron tamén a situación da planta viguesa de Stellantis, unha fábrica “fundamental, non só para a zona na que está instalada senón para toda Galicia”. Rueda mostrouse esperanzado respecto da posibilidade de que o segundo Perte para o vehículo eléctrico e conectado atenda as necesidades da maior factoría de coches de España.

Rueda e Gómez coincidiron na necesidade de actualizar a planificación de infraestruturas eléctricas, coa finalidade de que ningunha industria deixe de expandirse ou de instalarse en Galicia por falta da capacidade de distribución e evacuación necesaria.

Publicidade

Preme na imaxe se queres contactar connosco.

Por último, coincidiron na necesidade de autorización do parque eólico experimental que a Xunta, o Porto da Coruña e Rede Eléctrica Española expoñen en Punta Langosteira, e que servirá como banco de probas para unha forma de xeración eléctrica con potencial de crear en Galicia ata 10.000 postos de traballo.

NOTICIAS RELACIONADAS:

• https://www.ecosdacomarca.com/post/a-empresa-portuguesa-altri-elixe-palas-de-rei-para-asentar-a-%C3%BAnica-f%C3%A1brica-de-fibra-t%C3%A9xtil-de-espa%C3%B1a

• https://www.ecosdacomarca.com/post/o-alcalde-de-agolada-re%C3%BAnese-co-seu-hom%C3%B3nimo-de-palas-de-rei-para-interesarse-pola-empresa-altri

• https://www.ecosdacomarca.com/post/aparecen-pintada-no-consistorio-de-palas-de-rei-en-contra-do-futuro-proxecto-da-empresa-altri

• https://www.ecosdacomarca.com/post/conde-destaca-que-altri-ser%C3%A1-un-polo-dinamizador-da-econom%C3%ADa-local-de-palas-e-da-provincia-de-lugo

• https://www.ecosdacomarca.com/post/representantes-de-altri-despr%C3%A1zanse-a-palas-de-rei-para-reunirse-co-alcalde-do-municipio

• https://www.ecosdacomarca.com/post/altri-solicita-a-concesi%C3%B3n-dunha-captaci%C3%B3n-de-auga-do-r%C3%ADo-ulla-no-termo-municipal-de-agolada

• https://www.ecosdacomarca.com/post/palas-de-rei-acolle-esta-tarde-un-acto-informativo-sobre-a-posible-instalaci%C3%B3n-de-altri-no-municipio

• https://www.ecosdacomarca.com/post/balseiro-reproba-que-os-socialistas-lucenses-menosprecen-o-proxecto-de-altri-na-ulloa

• https://www.ecosdacomarca.com/post/rueda-anuncia-a-declaraci%C3%B3n-como-proxecto-industrial-estrat%C3%A9xico-para-galicia-a-f%C3%A1brica-de-altri

• https://www.ecosdacomarca.com/post/o-pp-de-melide-rexistra-unha-moci%C3%B3n-de-apoio-a-altri-para-o-seu-debate-no-pleno-melidense-1

• https://www.ecosdacomarca.com/post/a-xunta-esixe-que-o-goberno-axilice-os-fondos-europeos-comprometidos-para-instalar-altri-en-palas