top of page

Rouban un bolso dun coche na parroquia dos Ánxeles, en Boimorto

Algunhas pertenzas apareceron tiradas na estrada que vai a Melide


Laura Moure/Boimorto

Temos que falar doutro roubo dun bolso que se atopaba no interior dun vehículo nas comarcas. Neste caso, sucedeu o pasado sábado ao mediodía no municipio de Boimorto.


"Roubáronme o bolso no coche xunto a igrexa dos Ánxeles de Boimorto. Algunhas cousas das que levaba na carteira aparecéronme tiradas na estrada que vai a Melide na cuneta esparcidas o longo de dous quilómetros aproximadamente", sinala a afectada, Noelia Modia Ares. "Tamén apareceu a carteira totalmente vacía sen ningún tipo de documento. Foi un ciclista o que me recolleu varias cousas".

O bolso roubado.

O bolso da imaxe é o roubado e ademais polo outro lado ten un símbolo grande de cor branca. A afectada sinala que o máis importante que lle falta son o DNI e o carné de conducir. "Que supoño que estarán por aí tirados. Porque de atopalos alguén, quero pensar que mos farían chegar".


Neste caso, o vehículo estaba aberto porque a propietaria estaba preto do lugar. "Estaba 50 metros nunha finca vendo unhas vacas. E tíñao aberto. Foi todo moi rápido, nun visto e non visto porque fun o coche buscar penso paras as vacas e xa vin a porta mal cerrada", lamenta.

A afectada pide difusión para poder atopar ao menos a documentación e dúas chaves que levaba no bolso.

Cabe mencionar que en semanas pasadas falamos de roubos parecidos. Un bolso foi substraído xunto a igrexa de Visantoña (Santiso) tras romper unha fiestra do coche e outro fora roubado doutro vehículo na parroquia agoladesa de Val de Sangorza. Neste último caso, foi un veciño quen atopou o bolso tirado nunha cuneta na parroquia veciña do Sexo e a raíz da nosa noticia a propietaria puido recuperalo así como outras pertenzas que foron aparecendo tiradas.


NOTICIAS RELACIONADAS:



0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page