O suceso ocorreu este domingo na parroquia de Maceda
Ecos da Comarca/Melide
Un melidense sinala que lle roubaron hoxe, domingo, sobre ás 17:00 horas o material de cobre e latón da súa furgoneta. Esta estaba no interior do garaxe da súa casa, na parroquia melidense de Maceda.
"Viunos unha veciña, pero escaparon", apunta o afectado, quen valora que o roubado, só en cable, pode ascender a uns 1.500 euros, pero aínda lle falta por valorar todo.
Pide a colaboración cidadá para poder dar cos ladróns. Se tes calquera dato podes comunicarte coa Garda Civil ou con este xornal a través do noso correo ecosdacomarca@gmail.com
Comments