Rodeiro solicita unha reunión urxente co conselleiro de Sanidade para abordar as carencias asistenciais
- ecosdacomarca
- 19 sept 2025
- 2 min de lectura
Ecos da Comarca/Rodeiro
A concelleira delegada de Sanidade, Xulia Dacal Juiz, vén de remitir unha nova carta ao conselleiro de Sanidade, Antonio Gómez Caamaño, "despois de que nin tan siquiera se respondese á enviada no mes de xuño coa intención de anticiparse ao que cada vez
empeora", sinala. Por este motivo, "novamente solicitamos unha reunión urxente para tratar a situación sanitaria que atravesa o municipio".
No escrito, a concelleira expón diversas problemáticas que afectan directamente á
veciñanza:
A solicitude de traslado de destino por parte das dúas prazas de médicos de atención primaria asignadas ao Centro Médico. "Solicitamos que se cubran as
dúas prazas, Rodeiro non poden quedar sen cubrir".
A excesiva demora na concesión de citas médicas.
A eliminación do servizo de pediatría.
"As persistentes queixas, por parte da veciñanza, da administración do centro de saúde, entre elas, a dificultade de contactar telefonicamente, a demora nas citas, os cambios e anulacións de citas sen aviso… O mal funcionamento da aplicación móbil para solicitar citas médicas, concretamente non está aberto para una das médicas", explica a edil.
PUBLICIDADE
Dacal Juiz subliña que “o benestar da cidadanía é a prioridade deste equipo de goberno, que traballa cun proxecto claro para Rodeiro que nos permite mirar ao futuro con optimismo e ilusión”. Nese camiño, engade, “a colaboración da Consellería de Sanidade resulta imprescindible para garantir unha atención sanitaria digna e de calidade”.
PUBLICIDADE
O Concello agarda que a Consellería atenda esta petición con dilixencia e reforce o compromiso coa veciñanza de Rodeiro, garantindo os servizos básicos que a poboación
demanda e merece.
NOTICIA RELACIONADA:
A concelleira de Sanidade de Rodeiro lamenta a situación que están a padecer os doentes de Camba: https://www.ecosdacomarca.com/post/a-concelleira-de-sanidade-de-rodeiro-lamenta-a-situaci%C3%B3n-que-est%C3%A1n-a-padecer-os-doentes-de-camba
Comentarios