Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Rodeiro organiza un obradoiro dirixido ás mulleres traballadoras do Servizo de Axuda no Fogar

Será os días 3, 10 e 17 de novembro


Laura Moure/Rodeiro

O Concello de Rodeiro, grazas á financiación e apoio da Deputación de Pontevedra e dentro do proxecto Equal Camba 2021, ten programado a organización dun obradoiro denominado Xestión emocional en tempos de pandemia dende a perspectiva de xénero, dirixido especificamente ás traballadoras do Servizo de Axuda no Fogar.

Esta iniciativa xorde da necesidade de atender e apoiar a un colectivo moi concreto de mulleres, que por mor do seu traballo e alta responsabilidade durante este ano de pandemia, sofren as secuelas cada vez máis patentes do estrés e cansazo, especialmente psicolóxico, nas traballadoras do Servizo de Axuda no Fogar, sinala o Concello.


Este obradoiro, levarase a cabo durante os días 3, 10 e 17 de novembro de 2021, no Centro Cultural Municipal “Manuel Lamazares” e procurará ofrecer un espazo de expresión e regulación emocional en relación ás vivencias experimentadas, derivadas da situación de emerxencia sanitaria, e identificar os aspectos fundamentais para fomentar o autocoidado e a autoprotección das mulleres traballadoras no Servizo de Axuda no Fogar, dende a perspectiva de xénero.

"Deste xeito tamén queremos agradecerlle o seu esforzo e amosarlles o noso respecto e admiración", recalca o Concello.

56 vistas0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE