Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Rodeiro acolle unha exposición sobre Mozambique

Xa se pode visitar ata o 15 de maio


Laura Moure/Rodeiro

A Concellería de Cultura do Concello de Rodeiro solicitou ao Fondo Galego de Cooperación e Solidariedade a exposición que leva por título Dereitos humanos en Mozambique.


O fotoxornalista vigués Adrián Irago gañou en 2016 a terceira edición do certame Imaxes con Fondo, cuxo premio consistía nunha viaxe a Mozambique para retratar a realidade do país e os proxectos de cooperación internacional financiados polo Fondo Galego. Daquela experiencia xurdiu esta exposición, estreada tras a conmemoración do 70º aniversario da Declaración Universal dos Dereitos Humanos.


A exposición consta de cinco cubos de catro caras cada un, de 1,20 metros por 1,98 metros e pode verse na Praza do Parque de Rodeiro desde o pasado mércores ata o día 15 de maio.

A mostra sobre Mozambique que se pode visitar en Camba.


Outro proxecto

Por outra banda, a Concellería de Cultura e Medio Ambiente do Concello de Rodeiro solicitou unha actividade para a mocidade chamada Consello climático xuvenil, pertencente a un proxecto europeo organizado polo Fondo Galego de Cooperación e Solidariedade.

Concienciar as mozas e mozos europeos sobre as graves consecuencias do cambio climático para que se convertan en axentes de transformación na procura dun mundo máis sustentable é o obxectivo do proxecto People & Planet: un destino común. "A implicación directa da mocidade nos problemas ambientais do Concello e na súa resolución é chave neste proxecto, polo que en maio de 2021 cinco municipios, entre os que se atopa Rodeiro, porán en marcha cadanseu consello integrado por mozas e mozos de entre 15 e 34 anos que asesorarán ao goberno local nesta materia. Os Consellos Climáticos Xuvenís convértense nun instrumento e nunha oportunidade para atraer e involucrar a mocidade europea na asunción dun papel máis destacado na loita contra o cambio climático, a nivel local, nacional e global", apunta o Concello.

O público obxectivo do proxecto son as mozas e mozos de entre 15 e 35 anos. Cada Consello Climático Xuvenil reunirase unha vez ao mes, na data que mellor conveña a todas as partes, comezando en maio de 2021 e rematando en outubro de 2024. Persoal especializado encargarase de dinamizar as xuntanzas mensuais, propoñendo un tema de debate e recollendo ideas sobre estilos de vida sostibles.

Ademais, neste último ano organizarase un encontro cos grupos dos cinco concellos e, posteriormente, unha selección de participantes desprazarase a Portugal para participar nun Youthactivism Lab canda membros dos consellos dos restantes países.

Os interesados en participar poden inscribirse na Biblioteca ou chamando ao teléfono 986 790 301 antes do 14 de maio. Hai pazas limitadas e os interesados poden obter máis información no enlace: https://fondogalego.gal/people-and-planet/



36 vistas0 comentarios
IRS.jpg

ESPAZO DISPOÑIBLE PARA ANUNCIARSE