As rutas serán os martes pola mañá e o xoves pola tarde, con saídas guiadas dende o pavillón municipal César González Fares
Laura Moure/Silleda
O programa Silleda Camiña volve a vindeira semana, contando de novo coa colaboración do Centro de Saúde de Silleda. Trátase de andainas biosaudables, abertas a todo o público e dun xeito especial a persoas que queiran mellorar o seu estado de saúde.
Pese a que as rutas se retoman a partir da vindeira semana, será a partir de novembro cando o persoal sanitario do centro silledense se encargue de tomar parámetros antropométricos e constantes ás persoas participantes, ademais de realizarlles un cuestionario sobre alimentación.
Publicidade
As rutas serán os martes ás 10:00 e os xoves ás 18:00 horas, facilitando así a asistencia dun maior número de persoas, tendo como punto de encontro e partida o pavillón municipal César González Fares. Estas rutas están deseñadas polo técnico municipal de Deportes, adaptando as sesións en función das condicións físicas das persoas asistentes.
O prazo de inscrición segue aberto e as persoas que queiran participar poden anotarse no Centro de Saúde de Silleda, no Centro Social ou no propio pavillón César Fares indicando nome, idade e número de teléfono.
Publicidade
O programa Silleda Camiña, que arrancou na primavera de 2021 dende o departamento de Deportes e Turismo para fomentar hábitos saudables, os desprazamentos a pé e tamén o coñecemento de espazos turísticos, volta para seguir mellorando a saúde da cidadanía.
Opmerkingen