Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Restablecidos todos os grupos no campamento de verán do Servizo Lúdico Educativo de Silleda

Logo de detectarse cadanseu positivo entre o alumnado de Silleda e o da Bandeira o pasado 31 de xullo, restrinxíranse o número de grupos


Laura Moure/Silleda

O campamento de verán do Servizo Lúdico Educativo do Concello de Silleda está xa a funcionar dende este mércores con todos os grupos previstos para este mes, despois de que a detección de senllos casos positivos por Covid entre o alumnado (un en Silleda e outro na Bandeira) obrigara a reorganizar o servizo. Todos os nenos e nenas dos grupos aos que pertenecían estes dous menores así coma os monitores e monitoras (prácticouselles PCR a todos) deron negativo.


Unha vez confirmado a principios desta semana que non se produciran contaxios e á vista dos resultados, dende o servizo retomáronse os grupos aplicando o protocolo establecido para este servizo, que este ano bateu o récord de solicitudes cun total de 99.


Obras na rede da traída de auga

Por outra banda, o Concello de Silleda, a través do servizo municipal de Augas e o departamento de Obras e Servizos, acometeu nos últimos días os traballos para levar a rede da traída municipal ao lugar de Castro, na parroquia de Manduas. Esta dotación estaba xa contemplada cando se realizou a mellora do vial que pasa pola localidade.


Os traballos consistiron na necesaria canalización da tubaxe para levar a auga ás vivendas do lugar. Na parroquia de Manduas xa se ampliara a traída no ano 2012 incorporando aos lugares de Quintela, Andamollo e Vilaverde.


A actuación súmase a outras levadas a cabo nos últimos meses para continuar ampliando a rede municipal de augas e ofertando á veciñanza un servizo básico.

10 vistas0 comentarios
IRS.jpg

ESPAZO DISPOÑIBLE PARA ANUNCIARSE