Rescatan a un operario que envorcou co camión que manexaba nas instalacións da mina de Touro

Ecos da Comarca/Touro

O 112 Galicia informa que tivo que ser rescatado un operario que envorcou co camión que manexaba nas instalacións da mina de Touro.

Autor: Bombeiros de Arzúa

O traballador, sinala o 112, "esperou aos servizos de emerxencias sobre a cabina do vehículo, envorcado lateralmente nunha zona de difícil acceso. Tralo rescate, foi evacuado polos servizos sanitarios".

Preto das 10:15 horas, o persoal de Urxencias Sanitarias de Galicia-061 informou ao 112 Galicia deste accidente, que ocorreu na canteira da mina de Touro. O ferido permaneceu consciente en todo momento.

Preme na imaxe para obter máis información deste evento.

Decontado, os xestores do 112 Galicia solicitaron a intervención, ademais dos servizos sanitarios, dos Bombeiros de Arzúa, dos axentes da Garda Civil e dos voluntarios de Protección Civil de Touro.

Preme na imaxe se queres contactar connosco.

"Os Bombeiros traballaron para baixar ao home, que foran quen de saír ao exterior pero non debaixar de enriba do camión. A continuación, foi trasladado polos servizos sanitarios", indica o 112.