Remata a instalación do equipamento técnico que mellora o auditorio municipal Manuel Dopazo

O proxecto de mellora das instalación culturais por parte do Concello de Silleda logrou unha subvención da Agadic, a través dos fondos europeos Next Generation

Laura Moure/Silleda

Como xa se informara previamente, o Concello de Silleda concorreu o pasado mes de novembro á convocatoria da Axencia Galega das Industrias Culturais (Agadic) para a concesión de axudas á modernización e xestión sustentable das infraestruturas das artes escénicas e musicais, ao abeiro dos Fondos Next Generation EU, cun proxecto para mellorar estas instalacións.

Publicidade

Preme na imaxe se queres obter máis información do evento.

O Concello recibiu a concesión de dita axuda por un importe de 36.562,29 euros, que se completará con fondos municipais ata un total de 50.830,83 euros. A empresa adxudicada, TECESA Acústica Visual SL, acaba de rematar a instalación do material técnico. Desta maneira, o auditorio municipal Manuel Dopazo ten un novo proxector de alta definición con soporte de teito, así como unha pantalla.

Publicidade

Preme na imaxe se queres contactar connosco.

Instaláronse tamén luces LED para o escenario, conseguindo un maior aforro e calidade lumínica. Tamén se instalaron catro motores polipastos, aumentando a seguridade na estrutura da iluminación. Ademais, púxose unha mesa de mezcla de sonido dixital ca que se mellorará a sonoridade deste equipamento cultural, moi utilizado por distintos colectivos, e un panel de micros.