Recepción en Silleda aos equipos de kung fu tralos éxitos da tempada

Laura Moure/Silleda

A alcaldesa, Paula Fernández, e as concelleiras de Deporte, Mónica González, e de Educación, Ángela Troitiño, recibiron este luns no Salón de Plenos da Casa do Concello aos alumnos e alumnas da escola de kung fu, logos dos grandes resultados acadados a pasada tempada.

Así, ao campionato galego e provincial, suma un novo palmarés no Torneo Ibérico celebrado a finais de xuño en Tui.

Publicidade

Preme na imaxe para obter máis información do evento.

O equipo cinturón verde infantil quedou segundo na súa categoría, logo de proclamarse campións no galego. Esta formado por Mariña Breijo, Alexia Ferro, Miranda Montoto, Violeta Garnica, Roberto Presas e Sara Rodríguez.

O equipo de cinturón laranxa infantil (que fora subcampión galego) e formado por Noela Fernández, Rosalía Pena, Daniela Pérez, Nazaret Lamas e Ainara González, tamén subiu ao pódium en Tui, cun terceiro posto.

Publicidade

Preme na imaxe para obter máis información do evento.

Paula Fernández destacou o traballo realizado e parabenizou en nome da veciñanza aos nenos e nenas da Escola.