Prende lume en dúas chemineas da comarca de Deza

Ambos sucesos ocorreron onte en menos dunha hora

Ecos da Comarca/Deza

Onte producíronse dous incendios en chemineas na comarca de Deza. Un deles en Rodeiro e outro en Vila de Cruces.

No caso de Rodeiro o 112 Galicia foi alertado ás 20:51 horas. "Prendeu lume nunha cheminea a afectou a unha viga", sinala o 112. Ocorreu no lugar de Paredes na parroquia de Álceme.

Publicidade

Preme na imaxe para obter máis información.

O 112 avisou aos Bombeiros de Deza, á Garda Civil e a Protección Civil.

Por outra banda, o 112 foi avisado ás 21:25 horas por un lume noutra cheminea no lugar de A Pena na parroquia cruceña de Carbia. "Ardeu a feluxe", puntualiza o 112.

Publicidade

Preme na imaxe para obter máis información.

O 112 informou aos Bombeiros de Deza, ao GES de Lalín a Protección Civil de Vila de Cruces e á Garda Civil.